Білім күні "Аяулы менің мектебім"

Салтанатты мерекенің мақсаты: оқушыларға «Білім күні» мерекесі жөнінде түсінік беру. Қазақстан Республика Конституциясы туралы білім қалыптастыру. Оқушылардың ой – өрістерін кеңейту, таным белсенділіктерін арттыру, білімге құштарлығын туғызу, тілдерін дамыту. Өз Отанын, елін, жерін сүюге тәрбиелеу.
«Білім күні» мерекесімен құттықтау сөз мектебіміздің директоры Азимбаева Алтын Төленқызына берілді. Әр адам өмірге келген соң, есейген сайын білімге, өнерге құштар болады. Ал білімді тек мектепте толық, жан – жақты алуға мүмкіндік бар.
Осы қуанышты мереке Қазақстан Республикасы Конституциясының туған күнімен сәйкес келіп отыр. Конституция – саяси тұрақтылық пен азаматтар әл – ауқатының артуының кепілі – деді Алтын Төленқызы.
Төл мерекемізге Жаңашар селолық округінің әкімінің орынбасары Надиров Тимур Сулейменович, ауылымыздың құрметті ұстаздары Джунуспекова Н.К, Оразгалина А.О, Қожабекова С.Т. қатысып сөз сөйлеп, 1 – 11 –ші сынып оқушыларын жаңа оқу жылымен құттықтады.
Биыл 1а сыныбында – 20 оқушы, сынып жетекшісі Тебенова Ж.А, 1б сыныбында – 20 оқушы, сынып жетекшісі Отынтаева С. оқушыларына тақпақтарын айтқызды. 11 – сынып оқушылары гүл шоқтары мен сыйлықтарын берді.
Жиынның соңында 11- ші сынып оқушылары, 1 – ші сынып оқушыларын мектепке алып кірді.







Орынд: ДТЖ орынбасары
Қ.Абдуваитов