«І.Жансүгіров атындағы орта мектеп-мектепке дейінгі шағын орталығымен және Базаркелді бастауыш мектебімен»коммуналдық мемлекеттік мекемесі

Өткізілген іс – шаралар бойынша тұжырымдама.

ТҰЖЫРЫМДАМА

«Мектеп – мейірім мекені» атты тәрбиелік шарасы

Мақсаты:
 Оқушыларға мектептің тек білім ордасы ғана емес, сонымен қатар адамгершілікке, ізгілікке, мейірімге баулитын орта екенін ұғындыру. Олардың бойында қамқорлық, құрмет, достық, жанашырлық сынды адами қасиеттерді қалыптастыру және мектеп ұжымындағы жылы қарым-қатынасты нығайту.

Міндеттері:

• Мектептегі адамгершілік құндылықтарды насихаттау;
• Оқушылардың бір-біріне және ұстаздарға деген сыйластық сезімін арттыру;
• Мейірімділік, достық, жанашырлық туралы түсініктерін кеңейту;
• Шара барысында оқушылардың шығармашылығын, белсенділігін дамыту.

Шара барысы:
 Шара мектептің алдында өтті. Оқушылар мейірімділік тақырыбындағы өлеңдер оқып, сахналық қойылымдар көрсетіп, ән айтты. Мұғалімдер мен ата-аналар өз пікірлерімен бөлісіп, мектептегі рухани тәрбие жайлы ойларын ортаға салды. 

Күтілетін нәтиже:
 Шара нәтижесінде оқушылардың бойында бір-біріне деген қамқорлық, үлкенге құрмет, кішіге ізет көрсету секілді құндылықтар тереңдей түсті. Мектеп ішіндегі ынтымақтастық нығайып, оқушылар өзара жағымды қарым-қатынас орнатуға ұмтылды. Мектеп – тек білім беретін емес, мейірім мен махаббаттың ұясы екендігіне көз жеткізді.

Қорытынды:
 «Мектеп – мейірім мекені» атты шара оқушылардың тұлғалық дамуына оң әсерін тигізіп, рухани-адамгершілік құндылықтарды саналы түрде қабылдауына себепкер болды. Осындай іс-шаралар мектеп өмірінде тұрақты түрде ұйымдастырылып отырса, оқушы жүрегінде ізгілік ұялап, қоғамға пайдалы тұлға болып қалыптасары сөзсіз.

ДТЖЖО                       К.Абдуваитов

ПҰ                                 М.К.Раисова

ТҰЖЫРЫМДАМА

Тақырыбы: «Үш тілді меңгерген мәдениетті тұлғаны қалыптастыру – әлемдік өркениетке жетудің бірден-бір жолы»
 Арнау: Ахмет Байтұрсынұлының туған күніне арналған іс-шара

Мақсаты:
 Алаш арысы, ағартушы-ғалым Ахмет Байтұрсынұлының тіл, білім, мәдениет саласындағы еңбектерін дәріптеу арқылы үш тілді (қазақ, орыс, ағылшын) меңгерген, жан-жақты дамыған мәдениетті тұлғаны тәрбиелеудің маңызын көрсету. Жас ұрпаққа ұлттық құндылықтарды сақтай отырып, әлемдік өркениетке бейімделе білудің қажеттілігін ұғындыру.

Міндеттері:

• Ахмет Байтұрсынұлының өмірі мен мұрасын насихаттау;
• Үш тілді меңгерудің тұлғалық және жаһандық дамудағы рөлін түсіндіру;
• Оқушылардың тілге деген қызығушылығын арттыру, полилингвальді қабілетін дамыту;
• Жас ұрпақты мәдениеттілікке, білімге, рухани байлыққа баулу.

Іс-шара мазмұны:
 Шара барысында оқушылар Ахмет Байтұрсынұлының шығармаларынан үзінділерді үш тілде (қазақ, орыс, ағылшын) оқып, поэзиялық және прозалық көріністер қойды. Баяндамалар мен презентациялар ұсынылып, «Тіл – ұлттың жаны» атты пікірталас ұйымдастырылды. Сонымен қатар, «Үш тіл – бір болашақ» тақырыбындағы оқушылардың шығармашылық жұмыстары (бейнероликтер, постерлер) көрмеге қойылды.

Күтілетін нәтиже:
 Оқушылар Ахмет Байтұрсынұлының тіл саласындағы еңбектерін тереңірек танып, тілдің ұлттық бірегейлікті сақтаудағы маңызын ұғынды. Үш тілді меңгерудің тұлға ретінде қалыптасуға, әлемдік білім кеңістігіне шығуға жол ашатыны туралы нақты түсінік қалыптасты. Шара оқушылардың тілдік дағдысын, сыни ойлауын және мәдени танымын дамытуға ықпал етті.

Қорытынды:
 «Үш тілді меңгерген мәдениетті тұлғаны қалыптастыру – әлемдік өркениетке жетудің бірден-бір жолы» атты іс-шара Ахмет Байтұрсынұлының рухани мұрасын дәріптеумен қатар, оқушыларды тілдік, мәдени және адами құндылықтарды бойына сіңірген ұлтжанды, заманауи тұлға ретінде тәрбиелеуге бағытталды. Мұндай тәрбиелік мәні зор шаралар – болашақ білімді ұрпақтың қалыптасуына берік негіз бола алады.

ДТЖЖО                       К.С.Абдуваитов

 ПҰ                                  М.К.Раисова 

 ТҰЖЫРЫМДАМА

Тақырыбы: «Мен үш тілді білемін» 

Мақсаты:

Оқушылардың мемлекеттік, орыс және ағылшын тілдерін меңгеруіне, тіл арқылы мәдениеттерді танып, өз ойын еркін жеткізе алуына ықпал ету; көптілді тұлға тәрбиелеу.

Міндеттері:

1. Үш тілдің маңыздылығын түсіндіру арқылы оқушылардың тілге деген қызығушылығын арттыру.

2. Қазақ, орыс және ағылшын тілдерінде мәнерлеп оқу дағдыларын дамыту.

3. Оқушылардың сөздік қорын байыту және дұрыс, көркем сөйлеуге баулу.

4. Өзге ұлт өкілдеріне құрметпен қарау мен тіл мәдениетін қалыптастыру.

5. Шығармашылық қабілеттерін шыңдау және сахна мәдениетін дамыту.

Іс-шара мазмұны:

«Үш тілді білемін» мәнерлеп оқу.

Қазақ, орыс және ағылшын тілдерінде мәнерлеп  оқу 

Күтілетін нәтиже:

Оқушылар үш тілді еркін қолдануға талпынады;

Мәнерлеп оқу және сөйлеу мәдениеті дамиды;

Үш тілге деген қызығушылық артады;

Өзге мәдениеттерге құрметпен қарау дағдысы қалыптасады;

Оқушылардың шығармашылық белсенділігі артады

Қорытынды:

«Мен үш тілді білемін» іс-шарасы — оқушылардың тілге деген сүйіспеншілігін арттырып, көптілді тұлға ретінде қалыптасуына жол ашады. Бұл іс-шара тілдердің бірлігін, мәдениеттердің өзара байланысын дәріптеп, жас ұрпақтың рухани дамуына зор әсер етеді.

ДТЖЖО                         К.С.Абдуваитов

ПҰ                                 М.К.Раисова

ТҰЖЫРЫМДАМА

Тақырыбы: Ұлт ұстазының ізімен

Бағыты: Рухани-адамгершілік, патриоттық тәрбие

Мақсаты:

Оқушыларды ұлт ұстазы Ахмет Байтұрсынұлының өмірі мен еңбегін тануға, оның ұлт болашағы үшін атқарған қызметіне құрметпен қарауға, ұлттық рух пен отаншылдық сезімді қалыптастыруға баулу.

Міндеттері:

1. Ахмет Байтұрсынұлының өмірі мен шығармашылығы туралы мәлімет беру.

2. Ұлт ұстазының ағартушылық жолындағы еңбектерін насихаттау.

3. Оқушыларды ізденімпаздыққа, шығармашылыққа баулу.

4. Ұлттық құндылықтарды дәріптеу арқылы жас ұрпақ бойында рухани сана қалыптастыру.Іс-шара мазмұны:

Сурет салу арқылы тұлғаның бейнесін, оның ізі қалған еңбегін көркем жеткізуге бағыт беру.

Күтілетін нәтиже:

Оқушылар Ахмет Байтұрсынұлының өмірі мен еңбегін терең түсінеді.

Ұлттық сана мен рухани құндылықтарға деген құрмет қалыптасады.

Сурет арқылы тұлғаның өмір жолы мен идеясын шығармашылық тұрғыда жеткізе біледі.

Оқушылардың өнерге, тарихқа және тілге деген қызығушылығы артады.

Қорытынды:

«Ұлт ұстазының ізімен» атты іс-шара оқушылардың жүрегінде ұлт ұстазының рухани мұрасын сақтап, оның ел игілігі жолындағы еңбегін бағалауға, өз елінің тарихын мақтан етуге тәрбиелейді. Бұл шара жас ұрпақты отансүйгіштікке, ізденімпаздыққа және шығармашылыққа баулудың тиімді жолы болып табылады.

ДТЖЖО                        К.С.Абдуваитов

ПҰ                                 М.К.Раисова

 ТҰЖЫРЫМДАМА

Тақырыбы: «Әлем тілдерін білейік» тақырыптық викториналық интеллектуалдық ойын

Мақсаты:

Оқушылардың тілдік құзыреттілігін арттыру, әлем тілдеріне деген қызығушылығын оятып, көптілді тұлға қалыптастыруға ықпал ету.

Міндеттері:

1. Әлемдегі негізгі тілдер мен олардың ерекшеліктері туралы білімдерін кеңейту.

2. Қазақ, орыс, ағылшын және басқа тілдерде сөйлеу дағдыларын дамыту.

3. Оқушылардың логикалық, шығармашылық және зияткерлік қабілеттерін жетілдіру.

4. Топтық жұмыс барысында өзара сыйластық, бір-бірін тыңдай білу мәдениетін қалыптастыру.

Іс-шара мазмұны:

«Тіл – халық қазынасы» (қысқаша таныстыру, тілдер туралы мәлімет беру).

 «Кім жылдам?» (түрлі тілдерде сөздердің мағынасын табу, сөйлем аудару).

 «Полиглот» (қатысушылар бірнеше тілде сөз немесе сөйлем айту тапсырмасын орындайды).

 «Тапқырлар сайысы» (жұмбақтар, ребустар, тілдік викториналар).

Күтілетін нәтиже:

Оқушылар әртүрлі тілдер туралы жаңа мағлұмат алады.

Көптілділік дағдылары дамиды.

Коммуникативтік және шығармашылық қабілеттері артады.

Тілге деген сүйіспеншілік пен қызығушылық қалыптасады.

Қорытынды:

Бұл интеллектуалдық ойын оқушылардың тіл үйренуге деген ынтасын арттырып, олардың дүниетанымын кеңейтеді. Көп тіл білудің маңыздылығын ұғындыру арқылы оқушыларды заманауи, білімді, бәсекеге қабілетті тұлға ретінде қалыптастыруға ықпал етеді.

ДТЖЖО          К.С.Абдуваитов

ПҰ           М.К.Раисова

ТҰЖЫРЫМДАМА

Тақырыбы: «Мақал – сөздің мәйегі»

Мақсаты: 

Оқушылардың ана тіліне, халық даналығына деген сүйіспеншілігін арттыру; мақал-мәтелдердің мағынасын ұғындыру арқылы ойлау, сөйлеу мәдениетін дамыту және ұлттық тәрбиенің маңызын дәріптеу.

Міндеттері:

1. Халық ауыз әдебиетінің бір түрі – мақал-мәтелдердің мән-мағынасын түсіндіру.

2. Оқушылардың сөздік қорын, тіл байлығын дамыту.

3. Ойлау, тапқырлық, шешендік қасиеттерін шыңдау.

4. Ұлттық құндылықтарды дәріптеу арқылы елжандылыққа тәрбиелеу.

Мазмұны:

Іс-шара барысында оқушылар мақал-мәтелдердің мағынасын ашып, олардың тәрбиелік мәнін талдайды. «Мақалдың жалғасын тап», «Мақалдан мағына ізде», «Кім көп біледі?» сияқты ойын түрлері өткізіледі. Оқушылар өздері білетін мақалдарды айтып жарысады.

Күтілетін нәтиже:

Оқушылар мақал-мәтелдердің мән-мағынасын терең түсінеді;

Сөйлеу және ой қорыту дағдылары дамиды;

Ана тіліне, ұлттық мәдениетке деген құрметі артады;

Халық даналығын күнделікті өмірде қолдануға дағдыланады.

Қорытынды:

«Мақал – сөздің мәйегі» атты іс-шара оқушылардың рухани дүниесін байытып, халықтың асыл қазынасы – мақал-мәтелдер арқылы ұлт мәдениетін қастерлеуге бағыт береді.

ДТЖЖО                         К.С.Абдуваитов

ПҰ                                 М.К.Раисова

ТҰЖЫРЫМДАМА

Тақырыбы:«Жазуды реформалаған тұлға» атты деректі фильмді көру

Мақсаты:

Оқушыларға қазақ жазуының тарихындағы реформатор тұлғаның еңбегін таныстыру, оның қазақ тіл білімін дамытудағы рөлін түсіндіру және ұлт мәдениетіне қосқан үлесін бағалай білуге тәрбиелеу.

Міндеттері:

1. Деректі фильм арқылы жазу реформасының мәні мен маңызын ұғындыру.

2. Реформатор тұлғаның өмірі мен еңбегі жайлы білімдерін кеңейту.

3. Қазақ жазуының қалыптасу кезеңдеріне қызығушылық ояту.

4. Тарихи деректерге талдау жасап, өз ой-пікірін жеткізе білуге үйрету.

Мазмұны:

Іс-шара барысында оқушылар «Жазуды реформалаған тұлға» атты деректі фильмді көреді. Фильмнен кейін талқылау ұйымдастырылады:

– Тұлғаның қазақ жазуына енгізген жаңалығы талданады;

– Сол реформаның қазіргі заман үшін маңыздылығы туралы пікір алмасу жүргізіледі;

– Оқушылар өз ойларын эссе, постер немесе пікір түрінде білдіреді.

Күтілетін нәтиже:

– Оқушылар жазу реформасының тарихын және оның ұлттық мәдениеттегі орнын түсінеді;

– Тұлғаның еңбегін құрметтеуге, ұлттық тілге деген сүйіспеншілігі артады;

– Тарихи және тілдік танымы кеңейеді, сыни ойлау қабілеті дамиды.

Қорытынды:

Бұл іс-шара оқушылардың ұлттық сана-сезімін күшейтіп, қазақ тілінің тарихы мен дамуына қызығушылығын арттырады. Фильмнен алған әсер арқылы олар жазу реформасының ел болашағы үшін маңызын ұғынады және тіл мәдениетін сақтау мен дамытуға өз үлесін қосуға ынталанады.

ДТЖЖО                К.С.Абдуваитов

     ПҰ                   М.К.Раисова

ТҰЖЫРЫМДАМА

Тақырыбы: «Мемлекеттік тіл – менің тілім»

Мақсаты:

Оқушылардың мемлекеттік тілге деген құрметін арттыру, ана тілінің қадір-қасиетін ұғындыру, тіл мәдениетін қалыптастыру және қазақ тілінің қоғамдағы рөлін түсіндіру.

Міндеттері:

1. Оқушыларға мемлекеттік тілдің тарихы мен маңызы туралы түсінік беру.

2. Қазақ тілін білу – әр азаматтың парызы екенін ұғындыру.

3. Тіл арқылы ұлттық құндылықтарды дәріптеу, туған жерге, елге сүйіспеншілік сезімін ояту.

4. Сөйлеу мәдениетін дамыту, өз ойын еркін жеткізуге үйрету.

Мазмұны:

Сынып сағаты әңгіме, сұрақ-жауап, өлең оқу, көрініс көрсету және топтық жұмыс түрінде өтеді.

 Мұғалім мемлекеттік тілдің мәртебесі мен маңызын түсіндіреді.

Оқушылар тіл туралы мақал-мәтелдер айтып, тіл тақырыбында шағын көрініс қояды, эссе немесе өлеңдерін оқиды.

Топтық тапсырмада «Менің тілім – менің мақтанышым» тақырыбында постер жасайды.

Қорытынды бөлімде оқушылар өз ойларын ортаға салып, тілге қатысты пікірлерімен бөліседі.

Күтілетін нәтиже:

Оқушылар мемлекеттік тілдің қоғамдағы рөлін түсінеді;

Ана тіліне деген сүйіспеншілігі артады;

Өз ойын қазақ тілінде еркін жеткізе алады;

Тіл мәдениетіне жауапкершілікпен қарайды.

Қорытынды:

Сынып сағаты оқушыларды мемлекеттік тілді құрметтеуге, оны күнделікті өмірде қолдануға, өз елінің патриоты болуға тәрбиелейді. Қазақ тілін білу – ел бірлігінің, ұлттық болмыстың негізі екені ұғынылады.

ДТЖЖО                           К.С.Абдуваитов

ПҰ                                 М.К.Раисова

ТҰЖЫРЫМДАМА

Тақырыбы: «Тіл мәртебесі – ел мәртебесі»

Мақсаты:

Оқушыларға мемлекеттік тілдің қоғамдағы маңызын ұғындыру, қазақ тілін құрметтеуге, сақтап, дамытуға баулу, тіл арқылы ұлттық рухты ояту.

Міндеттері:

1. Қазақ тілінің – Қазақстан халқын біріктіретін басты құндылық екенін түсіндіру.

2. Оқушылардың тіл мәдениетін, сөйлеу мәдениетін дамыту.

3. Мемлекеттік тілге сүйіспеншілік пен құрмет сезімін қалыптастыру.

4. Туған тілді насихаттау арқылы отансүйгіштікке тәрбиелеу.

Мазмұны:

Сынып сағаты «Тіл мәртебесі – ел мәртебесі» тақырыбында ұйымдастырылып, кіріспе бөлімде тіл туралы өлеңдер оқылады, нақыл сөздер айтылады.

Мемлекеттік тілдің тарихы мен қазіргі мәртебесі туралы мәлімет беріледі;

Оқушылар тіл туралы өз ойларын, эссе, пікірлерін айтады;

«Тіл – қазына» атты шағын викторина немесе сахналық көрініс ұйымдастырылады;

Қазақ тілінің беделін көтеру жолдары талқыланады.

Қорытынды бөлімде мұғалім тілге қатысты ой түйін жасап, оқушылармен рефлексия жүргізеді.

Күтілетін нәтиже:

Оқушылар мемлекеттік тілдің маңызын терең түсінеді;

Өз ойын ана тілінде еркін жеткізе алады;

Қазақ тілін құрметтеу сезімі артады;

Тіл мәдениетіне мән беріп, дұрыс сөйлеуге дағдыланады.

Қорытынды:

Тіл – ұлттың айнасы, елдіктің негізі. «Тіл мәртебесі – ел мәртебесі» тақырыбындағы сынып сағаты арқылы оқушылардың бойында тілге деген сүйіспеншілік, ұлттық сана мен патриоттық рух қалыптасады. Мемлекеттік тілді құрметтеу – әрбір қазақстандықтың азаматтық борышы.

ДТЖЖО                           К.С.Абдуваитов

ПҰ                                 М.К.Раисова

ТҰЖЫРЫМДАМА

Тақырыбы: «Ана тілім – ардағым»

Мақсаты:

Оқушылардың ана тіліне деген сүйіспеншілігін арттыру, тілдің қадір-қасиетін ұғындыру, өз ойын көркем тілмен жеткізуге баулу.

Міндеттері:

Оқушыларды эссе жазу мәдениетіне үйрету;

Қазақ тілінің маңызын түсіндіру, оны құрметтеуге тәрбиелеу;

Шығармашылық қабілетін дамыту, тіл байлығын жетілдіру;

Туған тіл арқылы ұлттық рух пен патриоттық сезімді қалыптастыру.

Мазмұны:

Іс-шара барысында оқушылар «Ана тілім – ардағым» тақырыбында эссе жазады. Эсседе өз ойларын, тілге деген сүйіспеншіліктерін, туған тілдің қоғамдағы орны мен өмірдегі маңызын баяндап көрсетеді. Жазба жұмыстары көркем тілмен, жүйелі оймен жазылуы бағаланады. Үздік жұмыстар мектеп қабырғасында немесе әлеуметтік желіде жарияланады.

Күтілетін нәтиже:

Оқушылардың ана тіліне деген құрметі мен жауапкершілігі артады;

Эссе жазу дағдылары қалыптасады;

Туған тілдің мәні мен құндылығын түсінеді;

Өз ойын еркін, сауатты және әсерлі жеткізе алады.

Қорытындысы:

Бұл іс-шара арқылы оқушылар тілдің адам өміріндегі рөлін терең сезінеді, ұлттық сана мен рухани байлығын арттырады. Ана тіліне деген сүйіспеншілігі нығайып, оны қорғау мен дәріптеу сезімі қалыптасады.

  ДТЖЖО                         К.С.Абдуваитов

ПҰ                                 М.К.Раисова

ТҰЖЫРЫМДАМА

Қорытынды анықтама

Тақырыбы: «Үш тілді меңгерген мәдениетті тұлғаны қалыптастыру – әлемдік өркениетке жетудің бірден-бір жолы» онкүндігін қорытындылау

«І.Жансүгіров атындағы орта мектеп МДШО»КММ де 05.09.2025 мен 18.09.2025 оқу жылы аралығында «Үш тілді меңгерген мәдениетті тұлғаны қалыптастыру – әлемдік өркениетке жетудің бірден-бір жолы» атты тілдер онкүндігі өткізілді. 

Онкүндіктің мақсаты – оқушылардың қазақ, орыс және ағылшын тілдеріне деген қызығушылығын арттыру, үш тілді еркін меңгерген, мәдениетті, білімді тұлға қалыптастыру болды.

Онкүндік барысында түрлі іс-шаралар ұйымдастырылды:

Іс-шаралар оқушылардың тілдік қабілеттерін дамытуға, тіл мәдениетін жетілдіруге және өзге ұлт өкілдерінің тілін құрметтеуге тәрбиелеуге бағытталды. Оқушылар белсенділік танытып, өз өнерлерін, білімдерін жоғары деңгейде көрсетті.

Қорытынды:

Онкүндік өз мақсатына жетті. Оқушылардың тіл үйренуге деген қызығушылығы артты, үш тілді меңгерудің маңыздылығы айқындалды. Мұндай шаралар оқушылардың дүниетанымын кеңейтіп, мәдениетаралық қарым-қатынас мәдениетін қалыптастыруға зор ықпал етті.

ДТЖЖО                         К.С.Абдуваитов

ПҰ                                 М.К.Раисова

ТҰЖЫРЫМДАМА

Тақырыбы: «Қарттар күніне орай – Қоғамға қызмет ету: волонтерлік және қайырымдылық акциясы»

Мақсаты:

Қарттарға құрмет көрсету, қоғамда мейірімділік пен адамгершілік құндылықтарын дәріптеу, оқушылардың волонтерлік мәдениетін қалыптастыру және қайырымдылыққа баулу.

Міндеттері:

Қарттар күні туралы түсінік беру, тәрбиелік маңызын ашу;

Үлкендерге құрмет көрсету дәстүрін насихаттау;

Жас ұрпақтың мейірімділік, жанашырлық, қамқорлық сезімдерін ояту;

Оқушылардың волонтерлік қызметке қызығушылығын арттыру;

Қарттарға қолдау көрсету арқылы әлеуметтік белсенділікті дамыту.

Мазмұны:

Қарттар күні туралы тарихи мәлімет беру;

Қоғамдағы қарт адамдардың рөлін түсіндіру.

Қарттар күніне орай мерекелік концерт ұйымдастыру;

Жеке тұратын қарттарға барып көңіл бөлу, тілдесу, жылы сөз айту.

Қайырымдылық акциясы:

«Қайырымды болайық!» атты акция ұйымдастыру;

Арнайы ашық хаттар, құттықтау қағаздарын дайындау.

Күтілетін нәтиже:

Оқушылардың үлкендерге деген құрметі артады;

Қоғамдық белсенділік пен жауапкершілік қалыптасады

Волонтерлік мәдениет дамиды;

Қарт адамдарға материалдық және моральдық қолдау көрсетіледі;

Мейірімділік пен қайырымдылық идеясы кеңінен насихатталады.

Қорытынды:

Іс-шара қарт адамдардың көңілін көтеруге, оларға қоғамның назарын аударуға және оқушылардың азаматтық жауапкершілігін арттыруға ықпал етеді. Акция барысында жасалған игі істер арқылы оқушылар мейірімділік пен адамгершілік құндылықтарын бойына сіңіріп, үлкендерге құрмет көрсету дәстүрін жалғастырады.

       ДТЖЖО                         К.С.Абдуваитов

ПҰ                              М.К.Раисова

 ТҰЖЫРЫМДАМА

Тақырыбы: «Қазіргі әлемдегі цифрлық сауаттылық» үгіт-насихат акциясы

Мақсаты:
 Оқушылардың цифрлық сауаттылық деңгейін арттыру, интернет пен заманауи технологияларды қауіпсіз әрі тиімді пайдалануға үйрету, сондай-ақ цифрлық мәдениетті қалыптастыру арқылы жаһандану дәуіріне бейім, саналы тұлға тәрбиелеу.

Міндеттері:

• Оқушыларды заманауи цифрлық құралдармен жұмыс істеуге үйрету;
• Ақпараттық қауіпсіздік пен интернеттегі этика негіздерін түсіндіру;
• Цифрлық ресурстарды білім алу мақсатында қолдануға баулу;
• Сандық технологияларды жауапкершілікпен пайдалану мәдениетін қалыптастыру.

Акция мазмұны:
 Акция барысында оқушылар мен ұстаздар үшін семинар-тренингтер, интерактивті сабақтар, инфографикалық шолулар мен бейнероликтер көрсетілді. «Цифрлық мәдениет дегеніміз не?», «Онлайн қауіпсіздік ережелері» сияқты тақырыптарда топтық жұмыстар ұйымдастырылды. Сонымен қатар, әлеуметтік желілер мен мессенджерлерде дұрыс қарым-қатынас жүргізу, фейк ақпаратты тану, дербес мәліметтерді қорғау секілді маңызды тақырыптар қамтылды.

Күтілетін нәтиже:
 Оқушылардың цифрлық сауаттылық деңгейі артып, интернетті тиімді және қауіпсіз пайдалануға деген түсінігі қалыптасты. Оқушылар ақпаратты сын тұрғысынан талдай алуға, онлайн ортада жауапкершілікпен әрекет етуге машықтанды. Цифрлық құралдарды қолданудағы белсенділік артты.

Қорытынды:
 «Қазіргі әлемдегі цифрлық сауаттылық» үгіт-насихат акциясы — жас ұрпақтың ақпараттық технологиялар саласында заманауи, сауатты, әрі жауапты тұлға ретінде қалыптасуына ықпал ететін маңызды бастама. Мұндай шаралар цифрлық қоғамда өмір сүретін жаңа буынның қауіпсіз әрі тиімді ақпараттық кеңістікте дамуына мүмкіндік береді.

ДТЖЖО                           К.С.Абдуваитов

ПҰ                                 М.К.Раисова

 ТҰЖЫРЫМДАМА
 
 

Тақырыбы: «Мектеп президентін сайлау» «Еріктілер ұйымын құру» 

Мақсаты:

Оқушылардың мектеп өміріне белсенді қатысуына, көшбасшылық пен жауапкершілік қасиеттерін дамытуға, қоғамға пайдалы істерге жұмылдыруға жағдай жасау.

Міндеттері:

1. Оқушылардың өзін-өзі басқару жүйесін жетілдіру;

2. Мектеп президентін әділ, ашық сайлау арқылы оқушылардың азаматтық белсенділігін арттыру;

3. Еріктілер ұйымын құру арқылы оқушыларды мейірімділікке, қайырымдылыққа, қоғамдық белсенділікке баулу;

4. Әлеуметтік, мәдени және экологиялық бағыттағы жобаларды іске асыруға ынталандыру;

5. Оқушылар арасында ұйымшылдық пен достық қарым-қатынасты нығайту.

Мазмұны:

1-кезең: Ақпараттық-түсіндіру жұмыстары (сайлау туралы ереже, талаптармен таныстыру, еріктілер ұйымының маңызын түсіндіру);

2-кезең: Президенттікке үміткерлерді ұсыну және үгіт-насихат жұмыстары (постер, бейнеролик, кездесулер);

3-кезең: Сайлау күні – дауыс беру және нәтижелерді жариялау;

4-кезең: Еріктілер ұйымының ресми ашылуы, құрамын бекіту, жұмыс жоспарын жасау;

5-кезең: Алдағы әлеуметтік жобалар мен акцияларды ұйымдастыру (тазалық акциясы, қарттарға көмек, қайырымдылық шаралары, экосағаттар т.б.).

Күтілетін нәтиже:

Мектепте белсенді, жауапкершілігі жоғары, көшбасшы оқушылар тобы қалыптасады;

Еріктілер ұйымы өз қызметін тұрақты жүргізіп, мектеп өміріне жаңа серпін береді;

Оқушылардың бойында ұйымшылдық, адамгершілік және патриоттық қасиеттер дамиды;

Қоғамдық бастамалар мен игі істер саны артады;

Оқушылардың өзін-өзі басқару мәдениеті қалыптасады.

ДТЖЖО                           К.С.Абдуваитов

ПҰ                                 М.К.Раисова

ТҰЖЫРЫМДАМА

 Тақырыбы: Мұғалімдер күніне орай:

«Даналық ұстаздан!»

Мақсаты:

Мұғалімдердің қоғамдағы мәртебесін арттыру, олардың еңбегін дәріптеу, шәкірт жүрегінде ұстазға деген құрмет пен алғыс сезімін ояту, ұстаз мамандығының қасиеттілігін насихаттау.

Міндеттері:

1. Мұғалім мамандығының қоғамдағы рөлін айқындау және қадірін арттыру.

2. Оқушылардың ұстаз еңбегін бағалауға, сыйлауға тәрбиелеу.

3. Мектеп ұжымындағы бірлікті, шығармашылық ынтымақтастықты дамыту.

4. Қоғамдағы мұғалім мәртебесін насихаттау арқылы педагог беделін нығайту.

Мазмұны:

Видео ролик  түсірілді.

Құттықтау сөздері (мектеп әкімшілігі, оқушылар, ата-аналар тарапынан);

Оқушылар мен түлектердің ұстаздарға арнаған өлеңдері мен әндері;

Өзін-өзі басқару ұйымының оқушылары бір күн мұғалімдердің орнына сабақ өткізеді.

Қорытынды сөз және мерекелік тілек.

Күтілетін нәтиже:

Мұғалімдерге деген сый-құрмет артады;

Оқушылар ұстаз еңбегін бағалауды үйренеді;

Ұжымда жағымды көңіл-күй мен рухани бірлік қалыптасады;

Мектеп өмірінде ұстаз беделі мен мәртебесі көтеріледі.

Қорытынды:

Өзін-өзі басқару ұйымының оқушылары бір күн мұғалімдердің орнына сабақ өткізді.

 Бұл шара арқылы мектеп ұжымы ұстаз мамандығының қадір-қасиетін тағы бір мәрте айқындап, олардың еңбегіне ризашылық білдіреді.

ДТЖЖО                       К.С.Абдуваитов

ПҰ                                 М.К.Раисова

ТҰЖЫРЫМДАМА
 Тақырыбы: 5-қазан – Мұғалімдер күніне арналған мерекелік іс-шара

Мақсаты:
 Ұстаздардың қоғамдағы орны мен еңбегін дәріптеу, оқушылардың ұстазға деген құрметін арттыру, мұғалім мамандығының қадір-қасиетін ұғындыру арқылы рухани-адамгершілік тәрбие беру.

Міндеттері:

• Мұғалім еңбегінің маңыздылығын оқушылар мен ата-аналарға ұғындыру;
• Оқушылардың ұстазға деген сүйіспеншілігін, алғысын шығармашылық түрде жеткізуіне мүмкіндік беру;
• Мектеп ұжымында жылы көңіл-күй мен ұрпақтар сабақтастығын қалыптастыру;
• Ұстаздардың кәсіби беделін арттыру.

Шара мазмұны:
 Мерекелік іс-шара мектептің мәжіліс залында өткізілді. Оқушылар мұғалімдерге арнап ән шырқап, би билеп, поэзиялық қойылымдар қойды. «Ұстазыма мың алғыс!»  Ардагер ұстаздар мен жас мамандарға құрмет көрсетілді. Мектепішілік стендтер мен әлеуметтік желілерде мұғалімдерге арналған құттықтаулар жарияланды.

Күтілетін нәтиже:
 Оқушылардың мұғалім мамандығына деген құрметі артты, ұстаздар өз кәсібіне деген мақтаныш сезімін сезінді. Мектеп ұжымы мен оқушылар арасындағы ынтымақтастық күшейіп, рухани байланыс нығайды. Мерекелік көңіл-күй қалыптасып, ұстаздарға шынайы алғыс білдіру мүмкіндігі жасалды.

Қорытынды:
 5-қазан – Мұғалімдер күніне арналған бұл мерекелік шара – ұстаз еңбегінің ұлы екенін дәлелдейтін, шәкірт пен ұстаз арасындағы рухани байланысты нығайтатын маңызды іс-шара. Мұндай құрметке толы мерекелер өскелең ұрпақтың ұстаз еңбегін бағалауына, білім мен тәрбиенің құндылығын түсінуіне ықпал етеді.

ДТЖЖО               К.С.Абдуваитов

ПҰ                     М.К.Раисова                      

ТҰЖЫРЫМДАМА

Тақырыбы: «Республикам – мақтанышым»
 Арнау: 25 қазан – Республика күніне арналған мерекелік іс-шара

Мақсаты:
 Оқушылардың бойында Отанға деген сүйіспеншілікті, елге, жерге деген мақтаныш сезімін қалыптастыру, тарихи санасынояту және ұлттық құндылықтарды қадірлеуге баулу. Республика күніне орай ел жетістіктерін дәріптеп, патриоттық рухты көтеру.

Міндеттері:

• Қазақстан Республикасының тәуелсіз мемлекет ретінде қалыптасу жолдарын түсіндіру;
• Мемлекеттік рәміздер мен ұлттық мұраларға құрмет көрсетуге тәрбиелеу;
• Оқушылардың ел тарихы мен бүгінгі жетістіктері туралы білімдерін кеңейту;
• Патриоттық тәрбие мен азаматтық жауапкершілікті нығайту.

Іс-шара мазмұны:
 Шара аясында оқушылар салтанатты түрде ҚР Әнұранын орындап, «Менің елім – Қазақстан» атты әдеби-музыкалық монтаж қойды. Әндер мен би композициялары ұсынылып, «Республикам – мақтанышым» тақырыбында оқушылардың шығармашылық жұмыстары (өлең, эссе, сурет) көрмеге қойылды. Сонымен қатар, Тәуелсіз Қазақстанның жетістіктері туралы бейнебаян көрсетіліп, викторина ұйымдастырылды.

Күтілетін нәтиже:
 Оқушылар Қазақстан Республикасының дамуына мақтанышпен қарап, өз елінің азаматы болудың маңызын терең түсінді. Туған жерге деген сүйіспеншілік пен патриоттық рух нығайды. Елдің тарихы мен бүгінгі болашағына сенімділік қалыптасты.

Қорытынды:
 «Республикам – мақтанышым» атты іс-шара Республика күніне орай оқушылардың бойына елге деген құрмет пен мақтаныш сезімін ұялатты. Тәуелсіз елдің ұрпағы ретінде олардың азаматтық ұстанымдары мен ұлттық саналары нығайып, отаншыл тұлға ретінде қалыптасуына оң ықпал етті.

ДТЖЖО                           К.С.Абдуваитов

ПҰ                                 М.К.Раисова

атқарылған жұмысының есебі.

«І.Жансүгіров  атындағы орта мектеп-мектепке дейінгі шағын орталығымен және Базаркелді бастауыш мектебімен» коммуналдық мемлекеттік мекемесінде тәрбие  жұмысының жылдық жоспары Қазақстан Республикасы Білім және ғылым министрінің 2015 жылғы 22 сәуірдегі № 227 бұйрығымен бекітілген «Тәрбиенің тұжырымдамалық негіздерін» басшылыққа алынып  жасалған. ҚР Білім және ғылым министрлігінің 2019 жылдың 15 сәуірдегі №145 «Рухани жаңғыру» бағдарламасын жүзеге асыру жағдайында тәрбиенің тұжырымдамалық негіздеріне сәйкес және Қазақстан Республикасында өлкетануды дамытудың тұжырымдамалық негіздері» әдістемелік ұсынымдарын бекіту туралы Қазақстан Республикасы Білім және ғылым министрінің 2018 жылғы 1 қазандағы № 525 бұйрығы жүзеге  асырырылатындығымен ерекшеленеді. 

Мақсаты: Жалпы адамзаттық және ұлттық құндылықтар негізінде жанжақты және үйлесімді дамыған тұлға тәрбиелеу.

Міндеттері: 

1. Жаңа демократиялық қоғамда өмір сүруге қабілетті азамат және патриот қалыптасуына; тұлғаның саяси, құқықтық және сыбайлас жемқорлыққа қарсы мәдениетін қалыптастыруға; балалар мен жастардың құқықтық санасының өсуіне, оның балалар мен жастар ортасындағы қатыгездік пен зорлық-зомбылық көріністеріне қарсы тұруға дайын болуына ықпал ету.
2. Тұлғаның рухани-адамгершілік және этикалық принциптерін, оның қазақстандық қоғам өмірінің нормалары және дәстүрлерімен келісілген моральдық қасиеттері мен мақсаттарын қалыптастыруға ықпал ету.
3. Тұлғаның жалпыадамзаттық және ұлттық құндылықтарға бағдарлануына, ана тілі мен қазақ халқының, Қазақстан Республикасында тұратын этностар мен этникалық топтардың мәдениетін құрметтеуіне ықпал ету.
4. Бала тұлғасын қалыптастыруда ата-аналардың ағарту жұмысын, психологиялық-педагогикалық құзыреттіліктерін күшейтуге, бала тәрбиесі үшін олардың жауапкершілігін арттыруға ықпал ету. 
5. Тұлғаның еңбек дағдыларын, экономикалық  ойлауы мен кәсіби қалыптасуына және өзін-өзі жүзеге асыруына саналы қарым-қатынасын қалыптастыру, экологиялық мәдениетін дамыту. 
6. Әрбір тұлғаның зияткерлік мүмкіндіктерін, көшбасшылық қасиеттерін және дарындылығын дамытуды
7. Білім беру ұйымында көпмәдениетті орта құруға ықпал ету, жалпымәдени мінез-құлық дағдыларын қалыптастыру, тұлғаның өнерде және болмыста эстетикалық нысандарды қабылдау, меңгеру және бағалау әзірлігін дамыту.
8. Салауатты өмір салты дағдыларын тиімді меңгеру, дене дамуы мен психологиялық денсаулықты сақтау, денсаулыққа зиян келтіретін факторларды анықтау біліктілігін ойдағыдай қалыптастыру үшін кеңістік орнату.

2021-2022 оқу жылына арналған жоспарда тәрбие саласы бойынша біршама жұмыстар атқарылды.

Онда Қазақстан Республикасының «Білім туралы» Заңы, Қазақстан Республикасы Үкіметі мен Білім және ғылым министрлігінің бұйрықтары, облыстық білім департаменті, аудандық білім бөлімінің нұсқаулары, еңбек заңдылықтары мен нормативтік құқықтық актілері, мектеп ережесі мен жарғысы басшылыққа алынды. 

Жыл басында тәрбие саласына қатысты қазақстандық және халықаралық мерекелер мен атаулы күндер сынып жетекшілерге бөлінді. Оның мақсаты: жұмысты жүйелеу, жауапкершілікті нығайту, әдістемелік материалдарды жинақтау. 

Сонымен қатар жол қауіпсіздік ережелерін насихаттау, балалар жарақатын болдырмаудың алдын алу шаралары, өрт қауіпсіздігіне арналған шаралар, ҚР мемлекеттік нышандарын насихаттау және қолдану бағдарламасы бойынша іс-шаралар, діни экстремистік көзқарасқа қарсы жүргізілетін іс-шаралар кенінен жоспарланды. Мектеп әкімшілігімен «Мектепке жол» акция аясында бірлесіп атқаратын жұмыстардың көлемі бекітілді. Оқушылар арасында құқық бұзушылықтың алдын алуды ұйымдастыру шаралары бірлесіп жасалды.

Қазақстан Республикасы Конституциясының 30  бабы және Қазақстан республикасы Үкіметінің 1998 жылғы  28 тамызында қабылданған «Қазақстан Республикасында орта білім жүйесін одан әрі реформалау жөніндегі шаралары туралы» № 812 Қаулысын және Алматы облысының білім басқармасының  2018 жылдың  15 қаңтарындағы №  29-н бұйрығын орындау мақсатында және аудандық білім бөлімінің   2018 жылдың  16 қаңтарындағы № 9-1- ө бұйрығы, мектепішілік 22.01.2018 жылғы № 611-07  бұйрық   негізінде «Қамқорлық» дәстүрлі республикалық акциясы  өткізілді.

Акция мақсаты - әлеуметтік көмек алуға құқығы бар аз қамтылған, көп балалы, тұрмысы қолайсыз отбасының балаларына, жетім балалар мен ата аналарының қамқорлығынсыз қалған балаларға және басқа санаттағы балаларды анықтау және есепке алу, сондай ақ әлеуметтік себептер (киімдерінің, аяқ киімдерінің, мектеп құралдарының жоқтығы) бойынша балалардың мектепке бармауының алдын алу.

«І.Жансүгіров атындағы орта мектеп-мектепке дейінгі шағын орталығымен және Базаркелді бастауыш мектебімен» коммуналдық мемлекеттік мекемесінде жалпы  426  оқушы білім алады.

Барлық өткізілген рейдтік іс-шаралар бойынша бала еңбегін пайдалану фактілері анықталмады. 

   «1 қыркүйек – Білім күні» мерекесіне арналған мектепте  «Кел, балалар, оқылық!» тақырыбында 1 сынып оқушыларына арналып өткізілді. Биылғы оқу жылында санитарлық талаптарға сай, 1-сынып оқушылары мектеп табалдырығын аттады.

Мерекелік салтанатты жиын сағат 09.00-де басталды. Жиынымыз Қазақстан Республикасының Гимнімен ашылды.

Мектеп директоры Сагидуллаева Римма Смагуловна құттықтау сөз сөйлеп, бүлдіршіндерді бүгінгі мерекелерімен құттықтап, жиын қонақтарымен бірге 1 сынып оқушыларына Алаштың көрнекті қайраткері, ағартушы-ғалым, ұлт ұстазы, әліппенің атасы Ахмет Байтұрсынұлының тұңғыш «Әліппе» оқулығын тапсырды.

Директордың оқу және тәрбие жөніндегі орынбасарлары мектеп оқушыларын, ата-аналарды және ұстаздарды жаңа оқу жылының басталуымен құттықтап жылы лебіздерін білдірді.

2-11 сыныптарда «Тәуелсіздік жетістіктері» атты тәрбие сағаттары өткізілді. Сынып сағаттарында сынып жетекшілері Қазақстан Республикасының Тәуелсіздігіне 30 жыл аясында «Тәуелсіздік жетістіктері» атты маңызды оқиғаларға шолу жасап, Тәуелсіздік – бабалар аңсауы, ұрпақтың қолы жеткен киелі кезең екенін, Тәуелсіздік – таңбасы таста, қаны қара жердің тамырында жатқан құдіретті сөз екенін айтып өтті.

Алғашқы қоңырау салтанатты жиын және «Тәуелсіздік жетістіктері» атты тәрбие сағаттары сәтінен

         Мектебімізде «Әдеп-ғұрпымыз жазылмаған заңымыз» тақырыбында 5 сынып оқушыларымен сынып жетекшісі А.Искакова көрініс өткізді.  Көріністің мақсаты оқушыларға қазақ халқының салт-дәстүрлері мен әдет-ғұрпының тәрбиелік мәнін ұғындыру; баланың бойына адамгершілік қасиеттерін қалыптастыру, халық өнегесін үйрету; ата-аналармен тығыз байланыс жасау арқылы ортақ тәрбиеге жұмылдыру.

Қай заманда болмасын адамзат алдында тұратын ұлы мұрат-міндеттердің ең бастысы - өзінің ісін, өмірін жалғастыратын салауатты, саналы ұрпақ тәрбиелеу. Ал жастарды жан-жақты қабілетті азамат етіп өсіруде халықтық салт-дәстүрлердің тәлім-тәрбиелік, білім-танымдық рөлі орасан зор. «Жер астында жатқанды қазбай қарап тіл табар» деп саналы сөзді сары алтыннан артық бағалаған халқымыз салт-дәстүрімізді, әдет-ғұрпымызды, ұлттық құндылықтарымызды асыл қоймасындай сақтады. Өнерлі халық - өміршең халық. Қазақтың әдет-ғұрпына, салт-дәстүрлеріне бағытталған «Әдет-ғұрпымыз жазылмаған заңымыз» атты көрініс өте жақсы деңгейде өткізілді. Өткізілген көріністе тәрбиелік мәні мен мазмұны бар. 

Алдағы уақытта тәртіпті де, тәрбиелі ұл - қыз болып, адамгершілік қасиеттерді биік ұстап, мектеп ішінде, үйде, қоғамдық жерлерде өздеріңді де, өзгені де сыйлайды және әдеп-ғұрпымызды сақтайды деп сенеміз.

5 қыркүйек күні еліміздің елеулі мерекелерінің бірі - Қазақстан Республикасы халықтарының тілдері күні.

Осыдан тура 24 жыл бұрын - 1989 жылы 22 қыркүйек күні "Тіл туралы" заң қабылданған болатын. Бұл заңда Қазақ ССР-нің мемлекеттік тілі қазақ тілі, ал орыс тілі — ұлтаралық тіл деп бекітілген еді.

Премьер-Министр Бақытжан Сағынтаев 2017 жылдың 31 қазаны күні «Қазақстан Республикасында мереке күндер тізбесін бекіту туралы» №689 ҚР Үкіметінің қаулысына қол қойды. Бір қуантарлығы айтулы мерекелердің арасында Қазақстан Халқы тілдері күні 5 қыркүйекте тойланатын болды.

Айта кету керек, Тіл мерекесінің 5 қыркүйек болып белгіленуінің де өзіндік себебі бар. Бұл күн - "Ұлттың сақталуына да, жоғалуына да себеп болатын нәрсенің қуаттысы - тіл" деп ұлағатты сөз қалдырған, қазақ халқының тағдыры, тілі үшін күрескен Алаш арысы, Ұлт ұстазы Ахмет Байтұрсынұлының туған күні. Енді барша қазақстандықтар қазақ әліпбиінің негізін салған ғалымның туған күнінде Тіл мерекесін тойлайтын болады. Қазақтың әдебиет зерттеуші ғалымы, түркітанушы, публицист, педагог, аудармашы, қоғам қайраткері Ахмет Байтұрсынұлы 1872 жылы 5 қыркүйекте қазіргі Қостанай облысы, Жангелді ауданы, Сарытүбек ауылында дүниеге келген болатын . "...Өзге оқыған мырзалар шен іздеп жүргенде, қорлыққа шыдап, құлдыққа көніп, ұйқы басқан қалың қазақтың ұлт намысын жыртып, ұлттық арын жоқтаған патша заманында жалғыз-ақ Ахмет еді" деп Сәкен Сейфуллин баға берген қазақтың асыл ұлы Ахмет Байтұрсынұлының туған күні Тіл мерекесімен қоса тойланатыны қалың қазақ үшін өте қуанышты жағдай болмақ.

Тіл – қандай ұлтта, елде болмасын әрқашан қастерлі де құдіретті. Ол әрбір адамға ана сүтімен бірге еніп, қалыптасады. Тіл - әрбір елдің жаны. 

Ел тәуелсіздігінің ең басты белгісі - оның ана тілі екені бәріне белгілі. Тіл - халықтың сан ғасырлық тарихы. Ана тілі жоқ ел мемлекет болып өмір сүруі мүмкін емес. Әлемдегі кез келген халық тәуелсіздікке ұлттық қадір-қасиетін, мәдениетін, ана тілін сақтап қалу үшін ұмтылады. Сондықтан, әрбір мемлекет өзінің ана тілін әрқашан да қастерлеп, қорғап жүреді. Ал ана тілін қорғау дегеніміз – өз ана тілінде таза сөйлеу.

Қазақстанның әрбір азаматын Тілдер күнімен шын жүректен құттықтаймыз!

Ұстаз – әлемдегі ең қызықты әрі ең қиын мамандық. Бұл саланы таңдаған әр адамға қырық атанға татырлық жүк қоса беріледі. Сол жауапкершілік жүгін қайыспай көтере білу – міндет.

Төрткүл дүниенің бүгінгі көрінісі, қазіргі ахуалы – ұстаздар еңбегінің нәтижесі. Себебі, Президент мен министр, депутат пен әкім, өнер адамы мен спорт майталманы, кәсіпкер мен құрылысшы, дәрігер мен мұғалім – барлығы да ұстаздың тәлім тәрбиесін алған жандар. Балабақшада, мектеп пен университет қабырғасында ұстаздар сусындатқан білімнің арқасында әрқайсысы жетістікке жетіп, еліміздің дамуына өз үлесін қосуда. Тарыдай болып келген бүлдіршіндердің қолына қалам ұстатып, әріп жазу мен есеп –қисаптың қыр сырын үйретіп, он бір жыл бойы оқытып, таудай азаматтарды алтын ұядан ұшыратын ұстаздардың еңбегі өлшеусіз. Бұл ретте шәкірттерге білім беруші адам қоғамға бірінші кезекте азаматты, содан кейін ғана белгілі бір кәсіп иесін сыйлайды.

Осынау Ұстаздар күніне орай мектебімізде «Ұстаз – ұлы қызмет» атты мерекелік іс-шара өткізілді. Мерекелік іс-шара барысында кішкентай бүлдіршіндер ұстаздарға арналған өлең шумақтарын айтып, би билеп, ән шырқап өз өнерлерін көрсетті. Сонымен қатар 5-8 сынып оқушылары Ұстаздар күніне арналған газеттер шығарып, ұстаздар қауымын мерекелерімен құттықтап жылы лебіздерін білдірді.

Арада қанша күн, ай, жылдар өтседе, ұстаздың бейнесін ұмытпай, ілтипат пен ізеттілік танытатын шәкірттердің болуы – зор мәртебе, еңбегінің бағалануы. Ендеше, балғындардың зейінін ашатын, балалардың санасына барлық игі ұғымды сіңдіретін, оқу додаларында озат болуы үшін барын салатын, шәкірттерінің өз елін, жерін сүйетін елеулі азамат атануы үшін аянбайтын ұстаздар қауымын төл мерекелерімен құттықтаймыз.

9-11 Сынып ОҚУШЫЛАРымен өткізілген «Әлемде қанша мамандық бар?»  ТАҚЫРЫБЫНДА өткізілген іс-шара

Мамандық  таңдау  кезінде  әркімнің  психологиялық  ерекшеліктерімен қатар  олардың  моральдық  көзқарасы,  ерік  жігері,  борыш  пен  жауапкершілігі,  тәуекелге  бел  байлағыштығы  тәрізді  қасиеттерді  ескермеске  болмайды.   Кейбір   мамандық  түрлері  оймен  еңбек  етуді, алғырлықты,  тез  шешім  қабылдауды  қажет  етеді.  Міне,  мамандық  таңдау  кезінде  оның  осындай  ерекшеліктерін ескеріп,   отыру  қажет  екенін  өмір тәжірбиесін   көрсетіп  жүр.  Осындай маңызды шешім қабылдау оңай емес. Кейбір жағдайларда жасөспірімдерге ата-ананың жағынан қысым көрсетілуі де мүмкін. Кейде шын мәнінде не қалайтыныңды түсіну өте қиын.

Сонымен мамандықты қалай таңдау керек?

Бейімділігіңізді ескеріңіз. Бастапқыда өз қызығушылығыңызға назар аударыңыз. Немен айналысқыңыз келеді? Қандай пәндер ұнайды? Бос уақытыңызда немен айналысқанды жақсы көресіз? Адамдармен, әсіресе, бөгде кісілермен оңай тіл табыса аласыз ба? Көптеген нәрсе сіздің бейімділігіңізге байланысты.

Дұрыс шешім қабылдауға тырысыңыз. Бұл таңдауды өз бетіңізше жасау керектігін саналы түрде ұғыныңыз. Ата-аналардың, достарыңыздың ықпалынан шыға алмай қалмаңыз. Олар не айтса да, бұл – тек сіздің тағдырыңыз.

Мамандық таңдауда өзіңіздің физикалық ерекшеліктеріңізді, кемшіліктеріңізді ескеріңіз.

Денсаулық жағдайларына байланысты тыйым салынған мамандықтар болуы мүмкін. Мұндай мамандықтар көп емес, оларға негізінде қандай да бір физиологиялық жүйеге ұзақ ауыртпалықты талап ететін мамандықтар жатады. Компьютер мамандары көздеріне, ал ұшқыштар – жүректеріне ауыртпалық түсіреді.
           Мамандық таңдағанда оның болашағын да ескергеніңіз жөн. Себебі, технология тез дамып келе жатыр, соның салдарынан бүгін керек мамандық ертең қажетсіз болып та қалуы мүмкін. Сол себепті болашағы бар саланы таңдауға кеңес береміз. 

Мамандардың көмегіне жүгініңіз! Егер сізде күмән туындаса, мамандардың көмегін пайдаланыңыз. Бұл ретте не мектеп психологымен, психологиялық кеңсе маманымен ақылдасуға болады.

      Әлемде өзі қаламайтын мамандық иесі болып жүрген қаншама адам бар, өз жұмысын жанымен сүйіп істейтін адамдардың да саны аз емес. Мамандық таңдаудан жаңылмай, өз өміріңіздің бір кірпішін дұрыс қалауыңызға тілектеспіз.

Мектебімізде Қазақстан Республикасы Тәуелсіздігінің 30 жылдығына орай мектепішілік «Табиғаттың сыйлықтары» атты күзгі көрме ұйымдастырылды. Көрмеге барлық 1-8 сынып оқушылары әр түрлі жұмыстарын қойып, күздің кереметін көрсетуге ат салысты. 1-8 сынып "Күз-молшылық мезгілі" атауына сай көкөніс пен жемістерден әр түрлі бұйымдар жасады. 9-10 сыныптар көрме тақырыбына сай қабырға газеттерін әзірледі. Мектеп ұжымы мен оқушылар көрмені қызыға тамашалап, ерекше әсер алды. Әділқазылар алқасы Лабузова Н.В., Винтерфельд С.Ф., Гаитова Е.М., Арыстангалиева М.Н., Адыбаева С.С., Кабдуллина А.А. жасалған бұйымдарды тамашалай келе бағаларын берді. Мектеп директоры Р.Сагидуллаева, директоордың ТЖО К.Абдуваитов және педагог-ұйымдастырушы М.арыстангалиева Қазақстан Республикасы Тәуелсіздігінің 30 жылдығына орай мектепішілік «Табиғаттың сыйлықтары» атты көрмеге белсенді қатысқан сыныптар мен оқушыларды марапаттау қағазымен марапаттап шықты.

Кәмелетке толмағандар арасындағы 

құқық бұзушылықтың алдын алу жайында

Кәмелетке толмағандар  арасындағы құқық бұзушылықтың алдын алу, қоғамдағы қылмыстың алдын алудың аса маңызды аспектісі болып табылады. Заңды, әлеуметтік пайдалы кызметке және қоғам мен өмірге ізгілікті көзқарас қалыптастырып, жастарды қылмыстық қызметке жол бермейтін қағидаларға тәрбиелеу қажет. Қазақстан Республикасында кәмелетке толмағандардың арасында құқық бұзушылықтың алдын алу және балалардың қадағалаусыз және қараусыз жүруінің алдын алу жөніндегі заңнаманы қалыптастыру және дамыту жұмысы қолға алынған. Бұл «Неке және отбасы туралы», «Отбасылық үлгідегі балалар деревнялары және жасөспірімдер үйлері туралы», «Мемлекеттік атаулы әлеуметтік көмек туралы», «Еңбек туралы», «Қазақстан Республикасындағы арнайы мемлекеттік жәрдемақы туралы», «Дене тәрбиесі және спорт туралы» заңдары, кәмелетке толмағандар жөніндегі комиссиялардың, кәмелетке толмағандар ісі жөніндегі ішкі істер органдарының қызметін реттейтін нормативтік құқықтық актілер және т.б. Кәмелетке толмағандар құқық бұзушылығының алдын алуды тікелей не жанама көздейтін құқықтын қайнар көздерінің осылайша көп болуы қоғамдық қатынастардың кез келген саласында кәмелетке толмағандар тулғасының дамуын қамтамасыз ететін қолдау жүйесіннің кезделгендігін көрсетеді. Әсіресе бұл қауіпті жағдайда түрған және ерекше қорғау мен колдауға мұқтаж жасөспірімдерге қажет. Балалар мен жасөспірімдерді тэрбиелеу мен оқытуда отбасының маңызы зор.

Осыған орай мемлекеттіміз отбасының, соның  ішінде кеңейтілген отбасының түтастығын сақтауға аса назар аударып отыр.Отбасында тұрақтылық пен береке болмаса, осыған байланысты қоғам тарапынан көмек көрсету эрекеттері сәтсіз болған жағдайда, тіршілік етудің балама орындарын пайдалану мүмкіндігін қарастыру қажет.Баланың келешегіне кері эсер ететін жағдайларды айтпағанда, олардың ата-анасынан айыруға жол бермейтін ұлттық бағдарлама жасаудың және оны іс жүзіне асыру қажеттігінің мәні зор.

Қазақстан Республикасы Тәуелсіздігінің 30 жылдығы қарсаңында мектебімізде денсаулық күніне орай «Спорт – денсаулық кепілі» атты мектепішілік іс-шара өткізілді. 

Мақсаты: Жас ұрпаққа адам денсаулығының қымбаттылығын, өмір сүру үшін қажеттілігін, бағалы, басты байлық екендігін ұғындыру, денесін шыңдауға, шымыр да шапсаң, ұқыпты да жинақы, талғампаз да қанағатшыл, таза да әдемі болуға тәрбиелеу.

5-6 сыныптардың қатысуымен өткен іс-шара алаңда бір мезетте басталды. Мерекелік шараның алғашқы ойынын ұзындыққа секіріп бастады. Бүгінгі ойын қатысушылар арасында барлық сақтық шаралары қатаң сақталған. Ойыншылар бір жерде шоғырланбас үшін, бір алаңда ұзындыққа секірсе, келесі алаңда турникке тартылды және 3 ші алаңда жүгіріп, ойындар ұйымдастырылды. Бүгінгі шарамыз Қазақстан Республикасының 30 жылдығына Денсаулық күніне орай ұйымдастырылды. Іс-шараның соңында балаларға педагог-психолог тарапынан би қойылымы қойылды және де флешмоб билетілді. Өскелең ұрпаққа үлгі көрсетуде және мақсатымыз халық арасында спортты, дене шынықтырумен айналысуды насихаттау.

Тема: Хроника афганской войны 33 годовщина вывода Советских войск из Демократической Республики Афганистан

Цели и задачи: Воспитать учащихся к патриотизму, расширить и углубить знания детей о патриотическом воспитании любить свою Родину. Знать своих героев.