ТАРИХҚА КӨЗ ЖІБЕРСЕ 1933 жылдан бастап шағын ауылымыз саяси қылмыскерлер мен арнайы жер аударылушы әр түрлі ұлт өкілдерінің мекеніне айналды. Сол жылдары осы жерде жеті жылдық мектеп ашылды. Мектеп үш кішкентай сыныптан тұратын баракта орналасқан еді. Бара-бара мектеп кішкентай ауылдың рухани-мәдени орталығына айналды. Бұрынғы Октябрь совхозы соғысқа дейін НКВД деп аталды. Кейіндері МГБ, КГБ, МВД деп өзгерді. Жеті жылдық мектепте жер аударылғандардың балалары оқыды. Мектеп барак сияқты болды.